Kuri uyu 11/3/2020 Perezida w'Inama Njyanama y'Akarere, Mme Chantal R. Atukunda yayoboye inama idasanzwe y'Inama Njyanama yari igamije kwemeza ingengo y'imari y'Akarere y'umwaka wa 2019/2020 ivuguruye.

Muri iyi nama Umunyamabanga Nshingwabikorwa w'Akarere, Bwana Hategekimana Fred yagaragarije abajyanama n'abatumirwa uko ingengo y'imari y'umwaka wa 2019/2020 yakoreshejwe mu bihembwe bibiri bishize ndetse n'impinduka y'iyi ngengo y'imari uyigereranyije n'ingengo y'imari ivuguruye.

Inama Njyanama y'Akarere yemeje ingengo y'imari y'Akarere y'umwaka wa 2019/2020 ivuguruye ingana na FRW 28,857,934,268 ikaba yariyongereye ku kigero cya 12.9% ugereranyije n'ingengo y'imari y'Akarere y'umwaka wa 2019/2020 yari yatowe ingana na FRW 25,569,417,140.