Kuri uyu wa 23/9/2021 Umunyamabanga Nshingwabikorwa w'Akarere Bwana Hategekimana Fred yakiriye itsinda ry'abakozi b'Akarere ka Ngoma riyobowe n'Umunyamabanga Nshingwabikorwa w'Akarere Bwana Alex Kanayoge, bari mu rugendo shuri mu karere bareba uko imishinga y'ubworozi bw'inkoko iri mu midugudu y'Icyitegererezo ihagaze, uko ifasha abagenerwabikorwa n'uruhare bayigiramo.

Aba bashyitsi baturutse basuye imishinga y'ubworozi iri mu mudugudu w'Icyitegererezo wa Gishuro,Tabagwe n'uwa Kinihira, Nyagatare banasobanurirwa ibijyanye n'ubworozi buhakorerwa.

Umunyamabanga Nshingwabikorwa w’Akarere ka Nyagatare yashimiye Ubuyobozi bw'Akarere ka Ngoma bwahisemo kugirira urugendo shuri mu karere ka Nyagatare nka kamwe mu dukorerwamo ubworozi n'ubuhinzi anabizeza ko uturere twombi dufite byinshi tuzakomeza kwigiranaho hagamijwe iterambere muri rusange.

Umunyamabanga Nshingwabikorwa w'Akarere ka Ngoma Bwana Alex Kanayoge yashimye uko Akarere ka Nyagatare kabakiriye n'uko imishinga basuye iri guteza imbere abagenerwabikorwa kandi ko amasomo bigiye mu rugendo bakoreye mu karere ka Nyagatare agiye kubafasha mu mishinga y'ubworozi bagiye gushyira mu midugudu y'Icyitegererezo yo mu karere baje baturutsemo.

Umunyamabanga Nshingwabikorwa yashimiye Ubuyobozi bw'Akarere ka Ngoma bwahisemo kugirira urugendo shuri mu karere ka Nyagatare nka kamwe mu dukorerwamo ubworozi n'ubuhinzi anabizeza ko uturere twombi dufite byinshi tuzakomeza kwigiranaho hagamijwe iterambere muri rusange.

Umudugudu w’Icyitegererezo wa Gishuro utuyemo imiryango 64 yagenewe inkoko zitera amagi 2000 n’inka 64 naho uwa Kinihira ukaba utuyemo imiryango 24 yagenewe inkoko zitera amagi 1000